O‘zbekistonda Xalqaro yoshlar kuni munoasabati bilan Yoshlar aksiyasi
2
O‘zbekistonda Xalqaro yoshlar kuni munoasabati bilan Yoshlar aksiyasi
Har yili 12-avgust sanasi dunyo bo‘ylab Xalqaro yoshlar kunini nishonlash va yoshlarning ovozini e'tiborga olish, yoshlarning imkoniyatlarini kengaytirish, ularning tashabbuslarini qo'llab-quvvatlash, shuningdek, ularning mazmunli, universal va adolatli ishtirokini ta'minlash maqsadida nishonlanadi.
Bu yil Xalqaro yoshlar kuni munosabati bilan BMTning O‘zbekistondagi agentliklari O‘zbekiston Respublikasi Yoshlar ishlari agentligi va O‘zbekiston Volontyorlar Assotsiatsiyasi bilan hamkorlikda Toshkentdagi “Central Park” bog‘ida bayram tadbiri tashkil etildi.
Xalqaro yoshlar kunini nishonlash doirasida o‘quv va amaliy кvesti, kontsert dasturi, teatrlashtirilgan tomosha, flesh-moblar, Xalqaro yoshlar kuniga bag‘ishlangan Barqaror rivojlanish maqsadlariga (SDGs) bag‘ishlangan video roliklar tanlovi g‘oliblarini taqdirlash marosimi bo‘lib o‘tdi.
Xalqaro Yoshlar kuni munosabati bilan o‘tkaziladigan tadbirda ekologiya, agrar biznes, gender tengligi, ta’lim, reproduktiv salomatlik, ruhiy salomatlik, bandlik, kabi yo‘nalishlarda tashkil etilgan ma’rifiy mahorat darslari, info-sessiya va amaliy seminarlarda ishtirok etishi rejalashtirilgan. Ishtirokchilar, shuningdek, BMTning O‘zbekistondagi agentliklari faoliyati orqali SDG va ular uchun muhim bo‘lgan masalalarga o‘z ovozlarini bildirish usullari haqida ham ma’lumot olishlari mumkin bo‘ladi.
Bugungi kunda O‘zbekistonda 30 yoshgacha bo‘lgan bolalar va yoshlar aholining 60 foizini tashkil qiladi. 15-20 yil ichida ular O‘zbekiston tarixida mavjud bo‘lgan eng yirik ishchi kuchiga aylanadi va mamlakatni ijtimoiy-iqtisodiy rivojlanishning yangi bosqichiga olib chiqish uchun noyob imkoniyat yaratadi.