Tashkentte «Mójizalar waqtı» qayırqomlıq jarmarkası bolıp ótti
2
25-aprel kúni Tashkenttegi «Lotte City Hotel Tashkent Palace» miymanxanasında «Mójizalar waqtı» qayırqomlıq jarmarkası bolıp ótti. Bul ilaj Oraylıq Aziya mámleketleri, Rossiya Federaciyası, Belarus Respublikası hám Ázerbayjan qatnasıwshıların birlestirgen «Ámeldegi inklyuziya: volonterliktiń shaqırıqları hám imkaniyatları» xalıqaralıq konferenciyası ekinshi kúniniń tiykarǵı waqıyasına aylandı.
Konferenciya Ózbekstan Volonterler associaciyası tárepinen Jaslar isleri agentligi, Sociallıq qorǵaw milliy agentligi hám Mámleketlerara gumanitarlıq birge islesiw fondı qollap-quwatlawında shólkemlestirildi. Tadbir sherikleri qatarında Mádeniyat ministrligi, Milliy gvardiya, Ayrıqsha jaǵdaylar ministrligi, SHBS Xalıq diplomatiyası orayı, «Ziyo Forum» fondı hám basqa da shólkemler qatnastı.
«Mójizalar waqtı» — bul paytaxt xalqı hám miymanların mayıplıǵı hám rawajlanıwında ózgesheligi bolǵan balalar, jasóspirimler hám jaslardı qollap-quwatlaw ideyası átirapında birlestirgen ashiq jaqsılıq mákanı boldı. Miymanlar inklyuziv dástúrler qatnasıwshıları tárepinen jaratılǵan biytákirar qol miyneti buyımları menen tanısıp, sociallıq baslamalar rawajlanıwına ózleriniń ámeliy úleslerin qostı. Jarmarkadaǵı hár bir sawda qatnasıwshılardı qollap-quwatlaw, olardıń sociallıq iykemlesiwi hám óz potencialın júzege shıǵarıp, jámiyettegi áhmiyetliligin seziniwleri ushın úlken imkaniyat jarattı.
Miymanlar ushın bay dástúr usınıldı:
-
ózbek estradası juldızlarınıń shıǵıwları;
-
pútkil shańaraq ushın kewil ashar shınıǵıwlar;
-
balalar ushın dóretiwshilik hám bilimlendiriw master-klassları;
-
interaktiv maydanshalar hám art-zonalar.
Xalıqaralıq delegaciyalardıń qatnasıwı ilajǵa aýırıqsha áhmiyet baǵıshladı: jarmarka inklyuziv volonterlik tarawındaǵı eń jaqsı baslamalardı ámelde kórsetiw maydanshasına aylandı. «Mójizalar waqtı» ápiwayı ǵana jarmarka emes, bálki hár bir insan ushın unamlı ózgerislerdiń bir bólegi bolıw imkaniyatı ekenligin ispatladı.