Tashkentte «Ámeldegi inklyuziya: volonterliktiń shaqırıqları hám imkaniyatları» xalıqaralıq konferenciyası bolıp ótti

Tashkent qalasında Oraylıq Aziya mámleketleri, sonday-aq, Rossiya Federaciyası, Belarus Respublikası hám Ázerbayjan wákillerin birlestirgen «Ámeldegi inklyuziya: volonterliktiń shaqırıqları hám imkaniyatları» xalıqaralıq konferenciyası tabıslı túrde bolıp ótti.

Ilaj Ózbekstan Volonterler associaciyası tárepinen Jaslar isleri agentligi, Ózbekstan Respublikası Prezidenti janındaǵı Sociallıq qorǵaw milliy agentligi hám Mámleketlerara gumanitarlıq birge islesiw fondı qollap-quwatlawında shólkemlestirildi. Konferenciya sherikleri retinde Mádeniyat ministrligi, Milliy gvardiya, Ayrıqsha jaǵdaylar ministrligi, SHBS Xalıq diplomatiyası orayı, «Ziyo Forum» fondı hám basqa da shólkemler qatnastı.

Tadbirde volonterlik baslamaları koordinatorları, mámleketlik uyımlar, xalıqaralıq shólkemler hám puqaralıq jámiyeti institutları wákilleri qatnastı.

Ashılıw máresiminde tómendegi húrmetli miymanlar sózge shıqtı:

• Shirin Abidova — Jaslar isleri agentligi direktorınıń keńesgóyi, Jaslar associaciyası basshısı;

• «Rossotrudnichestvo»nıń Ózbekstandaǵı wákilxanası basshısı;

• Kazımjan Qasımov — SHBS mámleketleri birge islesiw hám xalıq diplomatiyası orayı basshısı;

• Farhod Pattaxovich — Ózbekstan mayıplar associaciyası wákili.

Birinshi kúni dáslepki «Oraylıq Aziya volonterler akademiyası» iske túsirildi, sonday-aq, inklyuziv volonterliktiń tabıslı úlgileri kórsetilgen «Ámeliyatshılar dawısı» ekspertler paneli ótkerildi.

Konferenciya sheńberinde 25-26-aprel kúnleri dawamında «Mójizalar waqtı» qayırqomlıq jarmarkası, «Tabassum» inklyuziv ustaxanasına sáyaxat, Xalıqaralıq Jer kúnine baǵıshlanǵan ekologiyalıq akciyalar hám «Inklyuziv volonterliktiń keleshegi: 2030» atamasındaǵı jumısshı sessiya bolıp ótti.

Konferenciya juwmaǵında regionda inklyuziv volonterlikti rawajlandırıwǵa qaratılǵan juwmaqlawshı hújjet — Tashkent Declaration on Inclusive Volunteering qabıl etildi.