20-noyabr — Butunjahon Bolalar kuni nishonlandi

20-noyabr kuni butun dunyo hamjamiyati bilan birgalikda Bolalar kuni nishonlandi.

Bu sana bolalarning huquqlari, xavfsizligi, imkoniyatlari va ular mehr-e’tibor ila tarbiyalanishi kerakligi haqida eslatib turadi.

Kecha Ijtimoiy himoya milliy agentligi tashabbusi bilan mamlakatimizdagi barcha maktablarda bola huquqlariga bag‘ishlangan ochiq darslar o‘tkazildi.

"O‘zbekistondagi har bir bola uning o‘z huquqlari borligini, uni himoya qilishga mas’ul tizim va atrofida kattalar borligini, muammoga duch kelganda qaysi ma’sul idoralarga murojaat qilish mumkinligini bilishi zarur", — deydi Shahnoza Mirziyoyeva.

Bu tashabbus bolalarning o‘zini e’tiborda va himoya ostida his etishi, muammoga duch kelganda ochiqcha murojaat qilishdan cho‘chimasligi va yordam so‘rash tartibini bilishi uchun yana bir muhim qadamdir.